Inflation rate sa Pilipinas, nagdasig sang Hunyo suno sa PSA

Gin-anunsyar sang Philippine Statistics Authority (PSA) nga nagdasig ang inflation rate subong nga June apang mas mahinay kun ipaanggid sa target range sang economic managers.

Nagdangat ang inflation sa 1.4 percent subong nga June nga mas madasig sa 1.3 percent sang May, apang nakasulod gihapon sa 1.1 tubtob 1.9 percent forecast sang Bangko Sentral ng Pilipinas.

Ang June inflation nagdala sang average inflation sa una nga bahin sang tuig sa 1.8 percent.

Padayon naman nga naganubo ang inflation rate subong nga tuig halin sang nagligad nga tuig.

Suno sa state statistics bureau, nga ang rason sang naganubo nga inflation amo ang pagnubo sa presyo sang nagapanguna nga mga balaklon kaangay sang bugas.