Ginserbehan sang Bacolod City Legal Office sang 2nd Notice of Violation ang Tamera Plaza Inn sa ciudad sang Bacolod.
Sa interview sang Bombo Radyo kay Bacolod City Legal Officer Atty. Romeo Carlos Ting Jr. nagpahibalo ang inn nga wala na sila naga-operate apang wala man sila nagprocess sang closure.
Suno kay Ting, may yara man sang nagahambal nga wala na naga-operate ang inn, apang may yara sang natabo sadto nga nabiktima sang basag-kotse kun sa diin masobra sa P60 mil nga cash ang nakawat gikan sa Overseas Filipino Workers (OFW) nga nag-check inn sa Tamera Plaza Inn.
Didto natukiban nga nagapadayon sa pag-operate ang inn apisar nga duha na ka tuig nga wala sang business permit kun sa diin sila ang naga-book sang costumer via online.
Kahapon sang hapon, gindagdagan sang 2nd Notice of Violation ang inn kag ginhatagan sang 15 days para magcomply kag mag-process sang business permit apang kun indi naman mahimo, ini ang pagadagdagan sang closure.
Sa karun wala ginpahunogotan ang inn sa pa-operate samtang wala sini na-process ang business permit.
