Ginpahayag sang Iran nga ang missile attack sini sa Israel ang natapos na samtang nagpromisa naman ang Israel kag Estados Unidos nga sila ang magatimalos batok sa Tehran, nga ginakahangaw-an sang mas malapad nga gyera.
Apisar sang mga panawagan para sa isa ka ceasefire nagikan sa United Nations, ang United States kag Eurpean Union, ang pag-ilinaway sa tunga sang Israel kag Hezbollah ang nagapadayon sa gihapon.
Liwat nga nagpaulan sang airstrikes ang Israel sa sur nga bahin sang Beirut kun sa diin nahamtang ang Hezbollah militants.
Ginlaragway naman sang Iran ang pagpang-atake sini sang Martes bilang depensa kag nag-aim lamang sa military facilities.
Suno sa state news agency sang Iran, tatlo ka mga Israeli military bases ang ila gintarget.
Suno sa Tehran, ang assault sini ang isa ka response sa pagpamatay sang Israel sa mga militant leaders kag agression sa Lebanon batok sa Hezbollah kag sa Gaza.
Nagpromisa si Israeli Prime Minister Benjamin Netanyahu nga sila ang magatimalos samtang ginpahayag naman sang Amerika nga sila ang magatrabaho kaupod ang Israel agud masiguro nga magaatubang ang Iran sang konsekwensya sa pagpang-atake sini sang Martes.
