Ginlubong na si President Ebrahim Raisi sa Iranian holy city sang Mashhad sang Huwebes kun sa diin linibo nga mga pumuluyo ang nagpadulong sa mga dalanon agud magtambong sa iya lubong, apat ka adlaw matapos ini nagtaliwan sa isa ka helicopter crash.
Si Raisi, 63-anyos, ang ginalantaw kuntani nga isa ka kandidato nga magabulos sa 85-anyos nga Supreme Leader nga si Ali Khamenei, nga amu ang may ultimate power sa Iran.
Si Mohammad Mokhber, ang bise presidente, ang sa karun nagaserbi bilang interim president tubtob sa Eleksyon sa Hunyo.
Ang burial ceremony ang gintambungan sang Iranian government kag military officials kasubong man sang mga religious personalities.
Madamo sang mga bulak ang ginpanghaboy sa lungon sang Presidente samtang ini ang mahinay nga nagalakat padulong sa gold-domed Imam Reza shrine, ang pinakabalaan nga Islamic site sang Iran kag ginreverse bilang resting place sang 9th century Imam Ali al-Reza.
Antes ini, linibo ka mga Iranian ang naghatag sang respeto sa lungon ni Raisi sang ini ang ginpalibot sa nasidlangan nga ciudad sang Birjand.
