BACOLOD CITY — Patay ang isa ka guwardiya samtang pilason ang siyam ka iban pa nga kalalakin-an matapos mapilpilan sang nagkaladagdag nga pinanid sang kristal samtang ila ginadiskarga ang mga ini sa Bangga Adela, Barangay Mansilingan kaina sang aga (Miyerkules).
Ang biktima ginkilala kay Victor Lasanas, ginpahayag gwardiya sang warehouse malapit sa moske kun sa diin pagataguon ang mga kristal nga nagadaku seven by thirteen (7×13) nga gikan pa sa Abu Dhabi kag ginabaligya sa Barangay Mansilingan.
Suno kay Imam Oma Betita, lokal nga lider sang Muslim community nga nagapanag-iya sang amo nga warehouse, ang mga kristal ginadiskarga gikan sa container van padulong sa 10-wheeler truck sang matabo ang disgrasya.
Suno sa iya, may naglabay nga truck kag posible, nagtay-og ang dalan kag na-outbalance ang mga nagapangdiskarga sang kristal nga gintunaan sang paghuganas sang mga ini.
Nadugayan pa antes nakuha ang napit-alan nga lawas ni Lasanas bangud sang kadamuon sang kristal nga nagpit-al sa iya.
Padayon pa nga ginabantayan ang medical bulletin sang mga pilason nga biktima.
