Isa sa mga prime suspects sa kamatayon sang apat ka mga police officers sa Negros Oriental sang Hunyo 18, 2019 ang napatay sa isa ka engkwentro sa joint intelligence operation kahapon sa ciudad sang Mandaluyong.
Suno kay Philippine National Police Chief General Debold Sinas, nadulaan sang kabuhi si Ryan Sandag Manguilimutan alyas “James” kag “Ka Ignacio” sa isa ka shootout kaupod ang composite team nagikan sa PNP Special Action (lead unit), PNP Intelligence Group, CIDG, NCRPO, kag Negros Oriental Police Provincial Office sa Gen Kalentong, Daang Bakal, Mandaluyong City alas 7:00 sang aga.
Si Manguilimutan ang ginrecruit sang rebelde nga grupo sa Northern Negros Front (NNF), KR-NCBS sang 2013.
Ginsaylo ini sa Regional Strike Force (RSF) sang KR-NCBS sang 2016 kag nangin regular nga miyembro sang CN3 sang Enero 2018.
Kaupod ang anum ka iban pa nga miyembro sang makawala nga grupo kag guerilla community supporters, ila gin-intercept kag brutal nga ginpatay ang apat ka mga personnel sang Regional Mobile Force Battalion 7 nga nagapatigayon sang information gathering sa Brgy. Mabato, Ayungon, Negros Oriental sang Enero 18, 2018 kag ginkuha pa ang mga personal nga gamit sang mga biktima lakip na ang apat ka mga issued short firearms.
