Israel, ginaduso sa Lebanon government nga dis-armahan ang Hezbollah

Ginmanduan ni Israeli Prime Minister Benjamin Netanyahu ang iya gabinete nga direkta nga makig-angot sa Lebanon agud dis-armahan ang Hezbollah.

Agud maistoryahan ang peace talk kag makatukod sang ‘peace relations’ sang tunga sang duha ka pungsod.

Nahibaluan nga nagtawag man sa iya ang Prime Minister sang Lebanon kag ginpabutyag nga luyag sang pungsod nga ipaidalom sa demilitarisasyon ang Beirut.

Isa sa mangin sentro sang negosasyon amo ang pag-disarma sa mga miyembro sang Hezbollah, grupo nga nagapang-atake sa Israel.

Antes pa man nagmando si Netanyahu, madumduman nga naglunsyar man sang mga pagpang-atake ang Israel sa Lebanon, nga ginkabig pinakadako nga atake sini.

Kapin 200 ka indibidwal ang napatay sa nasambit nga pag-atake.