Ginpadangat sang abyan sang isa ka foreigner nga nagapuyo sa karun sa Mara Para Heights sa ciudad sang Bacolod ang reklamo kag alegasyon sang foreigner nga ginabully ini sang iya asawa.
Suno kay Philip wala na nagaintsindihanay ang mag asawa kag malapit isa ka tuig na nga wala nagapauli ang babayi sa ila balay sa nasambit nga subdivision.
Kahapon nakibot lamang ang foreigner nga nagpauli ini sa balay nga ginatiniran sang foreigner kag gin -alegar nga ginbuka sang pamilya sang babayo ang windshield sang iya salakyan.
Ginpahayag man ni Philip nga suno sa foreigner nga si ITzhak Vardi, ang presidente sang homeowners ang nag intra na agud pahalinon siya sa balay.
Wala naman ini nagagwa sa balay bangud sa kahadlok nga indi na siya makabalik kag kuhaon na ini sang iya asawa.
Ang balay ang nakapangalan sa iya asawa bangud indi man ini makapanag iya sang propedad bangud foreigner.
Suno kay Philip luyag lang man kun tani magpakalinong sang iya abyan bangud nagpauli na ini sa Pilipinas matapos nga magretire na sa iya ginatrabahuan sa Estados Unidos.
Ginpahayag man sini nga dapat may kinamatarong siya balay bangud ang kwarta sini ang ginbalay sa balay kag ginpangalan lamang sa iya asawa.
Suno pa diri, ginpadangat naman sa korte ang issue kun sin o ang dapar managiya sang balay kag ginahulat nalang ang desisyon sang korte.
Apang ang ginareklamo sini amo ang pag intra sang presidente sang home owners sa nasambit nga subdivision sa pagpahalin sa iya sa balay.
Panindugan sang foreigner nga bisan indi sa iya nakapangalan ang property ukon ang balay apang may kinamatarong siya sa pagpuyo didto bangud kwarta niya ang ginbakal sini.
Suno kay Vardi kun pahalinon siya sa balay wala na ini sang mapadulungan kag mangin homeless na siya.
Samtang, liwat nga nagpalapit sa Bacolod Police Station 3 ang Israeli national nga si ITzhak Vardi, para magpa-blotter.
Si Vardi ang gina-alegar nga biktima sang pagpangharass sang iya nga asawa.
Sa interview sang Bombo Radyo kay Police Captain Rondyl Tapang, hepe sang Bacolod Police Station 3, nagpablotter ini matapos nga ginguba sang iya asawa ang iya nga salakyan, kag sa karun indi pa ini makasulod sa ila nga balay sa Mara Para Heights sa ciudad sang Bacolod bangod sa Barangay Protection Order nga ginfile sang iya asawa.
Nahimo naman sini nga magfile sang Temporary Restraining Order apang ini ang gindeny bangod nga ang balay nakapangalan sa iya asawa apisar nga siya ang naggasto sa pagpatindog.
Suno kay Tapang, ila ginpaintindi sa Israeli national ang iya kinamatarong kag kun ano ang mahimo sini agud nga malikawan ang mga butang nga mahimo magamit balik sa iya.
Apisar pa nga luyag nga kuhaon ni Vardi ang iya mga gamit kag kwarta nga nabilin sa sulod sang ila balay, ini ang indi anay niya nga mahimo bangod nga may mga proseso nga dapat nga sundon.
