Ginmultahan sang NBA si Ja Morant sang Memphis Grizzlies bangod sa pagsenyas sini sang iya kamot kaangay sang pusil.
Siya ang ginmultahan sang $75,000 ukon P4,305,562.
Suno kay NBA executive vice president Joe Dumars, si Morant ang duha ka beses nga ginsuspend sang 2023 bangod sa mga insidente may kaangtanan sa mga armas-luthang.
Suno diri, ginwarningan na sang liga si Morant nga ang gesture nga kaangay sa pusil ang ma-interpretar bilang negatibo kag indi insakto.
Una nga ginwarningan si Morant kag si Buddy Hield sang Golden State Warriors sang nakita ang duha nga kaangay nagasenyas sang pusil sa isa kag isa sa Grizzlies-Warriors game.
Apang, ini ang ginliwat ni Morant sa game batok sa Miami Heat apang ang iya kamot ang nakato-on sa Grizzlies players.
Madumduman nga duha ka beses nga ginsuspend si Morant sang 2023 sa sulod sang 33 ka games matapos maglapta ang video sini nga naga-uyat sang armas-luthang.
Siya ang ginban sa walo ka hampang sang nakit-an ini nga nagapakita sang armas-luthang samtang yara sa sulod sang bar kag ginban man sa 25 ka hampang sang nakita nga may armas-luthang sa sulod sang iya salakyan.
