Gintay-og sang magnitude 6.9 nga linog nga ginsundan nga magnitude 7.1 ang sur nga bahin sang Japan sang Huwebes suno sa United States Geological Survey.
Ginalauman ang mga tsunami nga tubtob sa isa ka metro sa coastal areas sang Kyushu kag Shikoku Islands.
Ang una nga pagtay-og ang may kadalumon nga 33 kilometers kag ginsundan sang ikaduha sa malapit nga area nga may kadalumon nga 25 kilometers.
Nagtukod ang Japanese government sang isa ka special task force bilang sabat sa mga pagtay-og.
Sa karun ginahibalo pa sang gobyerno ang balor sang halit nga gintuga sang nasambit nga linog.
Ang Japan ang isa sa pinaka-tectonically active nga mga pungsod bangud ini ang nahamtang sa apat ka mga major tectonic plates sa western edge sang Pacific “Ring of Fire.”
