Duha ka mga bulawan nga medalya ang nadugang sa Pilipinas matapos makuha sang jiu-jitsu team sa nagapadayon nga 2025 Southeast Asian Games.
Lunsay nga nagpakita sang impressive performance sanday Filipino jiu-jitsu artists Kimberly Custodio kag Dean Roxas sa ila nga magkasunod nga hampang sa Ronnaphakat Building sa Navaminda Kasatiryahiraj Air Force Academy.
Ginlutos ni Roxas ang Singaporean nga si Aacus Hou Yu Ee sa Jiujitsu-Ne-Waza -85 kgs paagi sa malip-ot nga submission.
Una niya nga ginlutos ang mga pambato sang Vietnam kag Indonesia sa elimination rounds.
Ini ang iya nga ikaduha nga medalya sa pareho nga event.
Ang una ang sadtong 2019 SEA Games.
Nahimo naman ni Custodio nga lutuson ang iya nakasumpong nga Thai fighter nga si Sugun Nutchaya sa 48kg ne-waza jiu-jitsu.
Nakakuha ang Pinay martial artist sang tatlo ka puntos sa ulihinga 30 segundos sang hampang rason nga agud nga magpabor sa iya ang nangin desisyon sang judges.
Ini ang una sini nga medalya sa SEA Games.
Ang duha ka bulawan nga medalya sa jiu jitsu amo ang ikatatlo kag ikaapat nga bulawan sang Pilipinas sa nagapadayon nga regional sports competition.
