Suportado ni Negros Occidental Governor Eugenio Jose “Bong” Lacson ang ginpatigayon nga joint simultaneous operation sang pulis kag militar sa apat ka mga opisina sang mga progresibo nga grupo sa Negros Occidental nagligad nga Oktubre 31.
Suno kay Lacson, naka-full support siya sa tropa sang gobyerno basta ang importante matapos na ang problema sang probinsiya sa insurhensya.
Ginpasiguro man sini nga ang 42 nga mga arestado nga ginpasakaan na sang kaso ang mahatagan sang due process kag mahatagan sang kahigayunan nga madepensahan ang ila kaugalingon.
Madumduman nga sa bisa sang apat ka mga search warrant, ginsulod sang Criminal Investigation and Detection Group (CIDG) Region 6 kaupod ang 3rd Infantry Brigade sang Philippine Army, Bacolod City kag Negros Occidental Police ang opisina sang Gabriela Partylist sa Purok Himaya, Brgy. Bata; Anak-Pawis sa Purok Riverside, Brgy. Bata; kag Kilusan Mayo Uno (KMU) sa Brgy. 33 kag Brgy. Taculing.
