Nagtake-oath na si Juanito Victor “Jonvic” Remulla bilang bag-o nga tiglikom sang Department of the Interior and Local Government (DILG).
Gin-administer ni President Ferdinand “Bongbong” Marcos Jr. ang oath of office ni Remulla antes ini nagbiya para sa 44th kag 45th ASEAN Summits and Related Summits in Lao PDR.
Suno kay Marcos, maathag nga si Governor Jonvic ang kwalipikado nga uyatan ang mga challenges sang isa sa mga pinaka-importante nga trabaho sa gobyerno.
Sa pag-appoint sini kay Remulla, gincite ni Marcos ang performance para sa 30 ka tuig sa local governance sa Cavite bilang board member, vice governor kag gobernador.
Suno diri, nahimo ni Remulla nga mangin progresibo kag isa ka economic powerhouse ang Cavite.
Sa isa ka statement, ginpahayag ni Remulla nga ginabaton sini ang post bangud luyag sini nga buligan indi lamang ang iya mga constituents sa Cavite kundi sa bilog nga pungsod.
