Gin-athag sang Kabankalan City Police Station nga wala sang may nagpablotter sa ila angot sa gina-alegar dyutayan lamang makidnap sang puti nga van sa atubang sang Kabankalan Catholic College.
Ini kasunod sang nagalapta nga mensahe sa social media nga nagapaandam sa puti nga van nga wala sang plate number.
Suno diri, nagpablotter ang iya nga tupad balay bangod gina-alegar nga ginbutong ang iya bata nga grade 10 student malapit sa Kabankalan Catholic College pasulod sang van apang wala madayun matapos makit-an sang gwardiya sang buluthuan.
Sa interview sang Bombo Radyo Bacolod kay Police Lt. Col. Roberto Indiape, hepe sang Kabankalan City Police Station, ginavalidate pa nila ang impormasyon bangod wala man sang may nakapablotter sa ila.
Kadtuan man nila ang security guard sang Kabankalan Catholic College kun matuod gid man ang impormasyon.
Tinguhaan man nila nga makasugilanon ang nagpagwa sang post.
