Kapin 60 ka mga miyembro sang PDP sa Negros Occidental ang nagresign sa partido sang Sabado, Mayo 25.
Sa interview kay Bacolod City Mayor Alfredo Benitez, sang Sabado nagkitaay ang mga miyembro sang PDP sa probinsya sang Negros Occidental kag ciudad sang Bacolod agud nga magpirma sang irrevocable resignation sa partido.
Suno kay Benitez, ang nagresign ang ginalakipan sang walo ka mga alkalde kag ang iban ang bise alkalde kag mga konsehal.
Suno sa alkalde, ginatindugan nila sa karun ang mass resignation kag magadesisyon nalang sila sa sunod kung ano nga partido ang ila pagaupdan.
Suno pa sa alkalde indi man nila mabatyagan nga miyembro sila sang PDP bangud wala man ang mga ini ginapahibalo kun may meetings ukon gatherings ang partido.
Suno kay Benitez, may ginadihon man sila sa karun kag may yara na sang manifesto kag sa tion nga kumpleto na ipahibalo man nila ini sa publiko.
