Nagpanindugan ang chairperson sang committee on agriculture sa Senado nga kinahanglan sang Pilipinas nga mag-import sang bugas, santo sa mandu sang Rice Tariffication Law.
Sa pagbisita ni Senator Cynthia Villar sa ciudad sang Bacolod kadungan sang Negros Island Organic Farmers Festival, ginpaathag sini nga ginpasar ang Rice Tariffication Law bilang pagsunod sa kasugtanan sa World Trade Organization.
Bangud indi bastante ang produksyon sang humay sang mga Pilipino suno kay Villar, kinahanglan sang pungsod nga mag-import sang bugas.
Bangud sa pagbaha sang imported nga bugas suno kay Villar, nagnubo ang inflation rate halin sa masobra 6 percent padulong sa 0.8 percent bangud nagnubo ang presyo sang amo nga produkto.
Suno sa senador, fake news lamang ang nagagwa nga mga report nga wala nagnubo ang presyo sang bugas bangud napamatud-an ini sa inflation rate.
Sa kaangay nga period sang tinalikdan nga tuig suno kay Villar, masobra 6 percent pa ang inflation rate apang tuman kadako ang ginnubo sini subong nga 2019.
Nagapati man ang chairperson sang committee on agriculture sa Senado nga ang Sugar Regulatory Administration (SRA) sa paghingyo sang mga food processors nga iliberalize ang sugar imports.
Sa pagbisita ni Senator Cynthia Villar sa ciudad sang Bacolod kadungan sang Negros Island Organic Farmers Festival, aminado ini nga wala pa nadesisyunan sang administrasyon kun dayunon ang sugar import liberalization.
Suno kay Villar, ginhingyo ang liberalization sang gina-import nga bugas bangud tuman kamahal ang lokal nga kalamay.
Sa tion nga hatagan sang sugar import permit ang mga traders, taguon man ini gihapon bangud sa cartel.
Suno sa senadora, kuntani ginhatagan nalang sang SRA sang sugar import permit ang mga food processors bangud sang tinalikdan, gindumilian man ang pag-import sang high fructose corn syrup
