Gin-athag sang chairman sang Committee on Urban Poor, Planning ang Resettlement sa Sangguniang Panlungsod nga wala sang may ginpasaka nga balayran sa duta sang relocation beneficiaries sa Brgy Handumanan, Arao, Fortune Town kag Abada Escay.
Sa interview sang Bombo Radyo kay Councilor Vladimir Gonzales, may patigayonon nga public consultation karun alas-2:00 sang hapon sa Brgy Handumanan para ma-update ang mga awardees sang Homelot Ordinance.
Sa homelot ordinance, nasulod diri ang Brgy Handumanan, Arao, Fortune Town kag Abada Escay.
Sa Brgy Handumanan, may existing nga ordinance 269 nga ginrepeal sa Homelot ordinance 1040.
May yara sa gihapon sang kapin sa 80 ka ektarya sang relocation area ang wala sa gihapon sang titulo.
Una na nga nabutang nga P5.70 per square meters ang balayran sang awardee apang kun ini ang ibaligya sa iban, ang balayran sini ang masulod sa zonal value nga P1,799 per square meter santo sa ginset nga fair market value sang Bureau of Internal Revenue (BIR).
Samtang, sa Arao naman kag Abada Escay, suno kay Gonzales, indi matuod nga ginpasakaan ang balayran.
Suno diri, wala sang existing ordinance amo nga nag-ayo ang mga residente nga kun mahimo mapanubo sa 50 percent ukon 30 percent ang balayran apang ginkasugtan nga 20 percent na lang ang ila bayaran.
Pahayag sang konsehal, masecure na ang landownership sang mga pumuluyo kag sila ang may mauyatan pa nga titulo sa gamay lang nga balayran.
