Nagnubo ang narecord nga aksidente kag krimen sa Masskara Festival 2026 kun ipaanggid sa tinalikdan nga selebrasyon.
Sa interview sang Bombo Radyo Bacolod kay Police Lt Col. Lester Leada, deputy city Director for Administration sang Bacolod City Police Office, subong nga tuig 18 lamang ang narecord nga aksidente sa dalan, mas manubo sangsa 19 nga narecord sang nakaligad nga tuig.
Samtang nagnubo man ang narecord nga 8 focus crimes kun sa diin gikan sa 10 sang 2025, sila ang nakarecord sang siyam subong nga Masskara.
Ang 8 focus crimes ang ginalakipan sang murder, homicide, physical injury, rape, robbery, theft, carnapping, kag motornapping.
Apang indi kaangay sang nakaligad nga tuig, may isa nga narecord sa festival site nga pagpangawat sang cellphone nga narespondehan sang kapulisan, nga nauli man gilayon sa tag-iya.
Suno kay Leada, mas manageable ang subong nga Masskara sangsa tinalikdan nga tuig bangod sa mas madamo nga police augmentation.
