Madamo sang nagapahayag nga ang mga Filipino bisan diin dal-on nga bahin sang kalibutan ang naga-excel gid.
Kaangay lamang sa isa ka Filipina nga labing-una nga babayi nga nakabaton sang degree gikan sa Harvard Law School (HLS).
Sa instagram, ginpakigbahin sang prestihiyoso nga law school nga ang una nga babayi nga nakabaton sang degree amo si Erlinda Arce Ignacio Espiritu sadtong 1951.
Ginpakigbahin sang nasambit nga buluthuan sa social media ang daan nga litrato ni Espiritu.
Suno sa tribute post, nakuha ni Erlinda ang inspirasyon nga mangin abugado sa legends of the “Knights of the Round Table.”
Santo sa ginquote sang Harvard nga ginpahayag sang abugada nga ang “The knights were always defending the defenseless, and I thought, how could I do that?”
Si Erlinda ang una nagkuha sang iya nga law degree sa Manuel L. Quezon School of Law sa Manila kag nangin isa sa una nga mga babayi nga abugado sa Pilipinas sang 1947 antes pa ini nagtuon sa Harvard.
