Nakilal-an na ang lalaki nga nakuhaan sang video nga nagahaboy sang basura sa sidewalk sang Barangay Villamonte, Bacolod City.
Sa video makit-an nga nagadrive sang e-bike ang lalaki nga nakatopless kag nakasab-it sang bayo sa abaga, nakashorts kag nakatsinelas.
Sa interview sang Bombo Radyo kay punong brgy Rommel Flores, sa scouting nila kag monitoring natigayon nga ma-identify ang lalaki nga naghaboy sang basura.
Suno diri, ipatawag ang lalaki kag esturyahon kaupod ang Bacolod Environment & Natural Resources Office (BENRO) agud pangayoan sang technical assistance sa pagdisiplina sa lalaki nga mahimo pasakaan sang kaso nga Republic Act 9003 ukon Ecological Solid Waste Management Act of 2000.
Pahanumdom ni Flores, ini magaserbe nga warning na sa mga pumuluyo nga indi maghaboy sang basura sa indi designated areas ukon indi pa schedule sang pagkuha sang basura.
