Patay ang isa ka lalaki matapos nga ginlabo sa Purok Nangka, Sitio Maglunod, Barangay Quezon, San Carlos City, Negros Occidental sang Abril 22 sang aga.
Ang biktima ang ginkilala kay Joel Lopez, 57 anyos ang edad, kasado kag residente sang nasambit nga lugar.
Ang biktima ang nakaagom sang mga pilas sa lawas matapos ginlabo sang suspek nga si Arnold Laraño, 35 anyos kasado sang pareho man nga lugar.
Santo sa imbestigasyon sang San Carlos City Police Station ang duha ang may yara na sang daan nga mga hiligut-anon nga nagresulta sa komprontasyon kun sa diin ginlabo sang suspek ang biktima.
Ang ginaawayan sang duha amo ang tubig sa irigasyon nga indi makalab-ot sa talamnan sang suspek bangud sa alegasyon nga ginapunungan sang biktima sa babaw.
Ang suspek ang boluntaryo nga nagsungka sa Barangay Police Security Officer sang Brgy. Quezon kag ginturn-over sa San Carlos City Police Station.
