Masami kaman bala nga gina-abot sang katuyo?
Sa masami kun kita ang ginatuyo kag wala sa nagakaigo nga lugar, ini ang atun ginapakigbatuan.
Indi kaangay sa India kun sa diin ang lalaki ang nagtulog sa riles sang tren kag dyutayan lamang nga malapakan.
Ginapakamaayo na lamang nga ini ang natalupangdan sang driver sang tren gani ini ang gilayon nga nagpreno.
Ang tren ang padulong kuntani sa Pratapgarh, samtang ang lalaki ang nakita naman sa riles sang Mau Aimma railway crossing sa ciudad sang Prayagraj.
Natalupangdan sang driver nga ang ulo sang lalaki ang naga-ulon na mismo sa riles sang tren.
May payong pa ang lalaki kag kaangay nga wala nagakabalaka sa makatalagam nga mahimo matabo sa iya.
Maayo na lamang nga naka-untat ang tren pila ka metros, kag ang driver mismo amo ang nagpanaog agud magpukaw sa lalaki.
Sa pihak nga bahin, may isa man ka lalaki nga nagtulog sa riles sa Michigan, USA ang wala nalikawan nga mabungguan sang isa ka cargo train.
Bangod madulom gani wala makita sang driver ang nasambitan nga biktima.
Ginapakamaayo na lamang nga medyo mahinay ang dalagan sang tren kag gilayon nga nakapreno ang driver kasunod sang impact sang pagkabunggo.
Bangod sini, minor injuries sa kamot lamang ang naagom sang biktima.
