Nagaplano ka man bala mag-untat na sa pagpanigarilyo bangud luyag mo naman maghealthy living?
Sa Turkey, nangin viral ang pamaagi sang isa ka lalaki nga luyag mag-untat sa iya pagpanigarilyo.
Ginkilala ini kay Ibrahim Yucel nga nagsugod sa pag-untat sa pagpanigarilyo sang 2013 pagkatapos sang 26 ka tuig.
Sa isa ka adlaw, duha ka kaha sang sigarilyo ang iya maubos.
Aminado ini nga mabudlay mag-untat sa pagpanigarilyo gani napinsaran niya ang indi kina-andan nga paagi.
Naghimo siya sang cage sa iya ulo pinaagi sa copper wire kag gin-lock ini agud nga indi na sia makapanigarilyo.
Ang yabi sini ang ginakaptan sang iya asawa kag anak.
Nabudlayan man siya nga magkaon kag mag-inom apang gin-agwanta niya ini tubtob nga mauntat na sini ang pagkahuyog sa sigarilyo.
Sa una, ginkahuya man ini sang iya asawa bangud nga wala gid niya ini nga ginakakas apang sang ulihi, nahangpan naman ini.
