May gin-eleher na nga bag-o nga set sang officers ang Yanson Group of Bus Companies matapos ang ginpatigayon nga special stockholders meeting kahapon.
Sa meeting nga ginpatigayon sa main office sang kompaniya sa Brgy. Mansilingan ciudad sang Bacolod, napilian liwat si Leo Rey Yanson (LRY) bilang presidente samtang vice president naman si Charles Anthony Dumancas.
Si Charles Anthony ang bana ni Jeanette Dumancas Yanson nga amo naman ang napilian nga auditor samtang ang Yanson matriarch nga si Olivia ang napilian nga corporate secretary.
Santo sa pahayag sa isa sa mga legal counsel ni LRY nga si Atty. Jun Maxell Orlina, ginpatigayon ang special stockholders meeting kasunod sang mga iregularidad nga nagkalatabo.
Apang gin-athag sang abogado nga ginpahibalo man nila ang mga magulang ni LRY nga sanday Roy, Ma. Celina, Emily kag Ricardo Jr. apang wala nagtambong ang mga ini.
Kadungan sang nasambit nga pagsinapol, isa ka resolusyon ang ginpasar nga nagamando sa legal team sang kompaniya nga magrekomendar sang legal nga tikang batok kay Ma. Celina nga i-liquidate ang P380 million nga outstanding obligations sang Yanson Group of Bus Companies.
