Ginpahayag ni Senator Risa Hontiveros nga malayo nga mag-updanay ang Liberal Party kag ang administrasyon para sa 2025 midterms elections bangud sa mga “unresolved issues” sa maragtas nga naangot sa pamilya Marcos.
Una na nga nagpanawagan si Former Sen. Antonio Trillanes III sang pagtukod sang isa ka unity ticket nga ginalakipan sang Marcos administration kag iban pa nga major political parties nga ginalantaw magalutos sa Duterte forces sa masunod nga Eleksyon.
Suno kay Hontiveros, naintindihan sini kun diin nagahalin si former Senator Sonny Trillanes kun sa diin apisar nga importante nga mapunggan ang pagbalik sang mga Duterte sa gahom apang may mga unresolved issues sa maragtas sang mga human rights violation kag plunder sa tion sang martial law dictatorship.
Una na nga ginpahayag ni Vice President Sara Duterte nga ang iya amay nga si former President Rodrigo Duterte kag mga utod nga sanday Baste kag Paolo ang magapapili sa Senado apang nagapati ang pila ka mga analysts nga posible ini ang kabahin lamang sang political gimmick sa pamilya Duterte.
Suno kay Hontiveros, nagahimo ini sang tikang sa pagtukod sang isa ka broad alliance para sa 2025 sa nagliligad sang duha ka tuig.
