Ginpasiguro ni Bacolod Mayor Greg Gasataya nga magapadayon ang Local Government Unit sa pagpanghatag sang libre nga school supplies para sa mga estudyante sa Bacolod City.
Suno sa pahayag sang alkalde, indi na magkabalaka ang mga ginikanan sa pagbukas sang klase bangud ang city government ang nagpain sang P90 million para makapanagtag sang libre nga school supplies.
Ang libre nga school supplies ang pagabatunon sang mga pupils halin sa Kinder, Grade 1 tubtob Grade 6.
Ang mabaton nga school supplies ang ginalakipan sang notebooks, pad papers, ballpen, lapis kag iban pa apang sa karun ini ang isulod sa bag.
Samtang ang Grade 7 tubtob Grade 12 ang makabaton sang bag kag P.E Uniform.
Suno kay Gasataya ang makabaton sini ang 111,000 ang makabenepisyo nga ginabug-usan sang 64,625 ka mga kinder, Grade 1 tubtob Grade 6 pupils kag 46,694 pupils naman gikan sa Grade 7 to 12.
Ang budget nga ginpain nga nagdangat sa kapin P90 million ang nagikan sa Special Education Fund.
