Nagpagwa sang Executive Order No. 39 series of 2020 si Bacolod City Mayor Evelio “Bing” Leonardia nga nagamando sa pagkakas sang liquor ban sa ciudad epektibo kahapon, Hunyo 1.
Sa idalom sang EO, nakasaad diri nga pwede na makabaligya kag makabakal sang mga makahulubog nga ilimnon, wine, beer, ukon iban pa gid nga mga alcoholic beverages.
Ginapasugtan naman ang pag-inom sa pampubliko nga mga lugar apang dapat nagasunod sa minimum health standards nga ginpagwa sang Department of Health.
Ginadumilian naman ang pag-tagay ukon pag-share sang baso samtang naga-inom.
Ang pagpabaligya kag pag-inom ang dapat man magsunod sa ginapatuman nga curfew halin alas-10:00 sa gab-i tubtob alas-4:00 sa aga.
Madumduman nga sang Mayo 25, gin-lift partially ang liquor ban sa ciudad.
