Lauman ang liwat nga pagsaka sang presyo sang produktong petrolyo sa masunod nga semana.
Suno kay Department of Energy-Oil Industry Management Bureau Assistant Director Rodela Romero, santo sa monitoring sa international oil market, lauman ang increase nga P0.80 tubtob P1.40 sa kada litro sang Gasolina; P0.40 tubtob P1.00 sa kada litro sang Diesel kag P0.50 tubtob P0.70 sa kada litro sang Kerosene.
Suno sa energy official, may yara sang oil price hike bangod sa sanction nga gindagdag sang Estados Unidos sa oil shipping network sang Iran nga nag-apekto sa gloabal crude supply kag wala ginalauman nga pagdako sang pagnubo sa US crude inventories.
Suno kay Romero, ang official price adjustments gina-anunsyar kada Lunes nga ginapatuman pagkasunod nga adlaw.
Madumduman nga epektibo sang Abril 22 ang pagsaka sang presyo sang Gasolina sa P1.35, Diesel sa P1.30 kag Kerosene sa P1.10.
