Alas-2:00 kaina sang kaagahon, ang ginamonitor nga Low Pressure Area sa sulod sang Philippine Area of Responsibility ang nagsanyog na kag nangin Bagyo.
Ang Bagyo ang ginhingalanan nga Tropical Depression LANNIE.
Ang Bagyo ang ulihi nga nasiplatan sa 315 km sa nakatungdan sang Sinait, Ilocos Sur.
Dala sini ang kabaskugon sang hangin nga nagadangat sa 45 km/h kag pagmadlos nga tubtob 55 km/h.
Sa karun, ini ang nagahulag padulong sa nakatungdan nga dereksyon sa kadasigon nga 15 km/h.
Wala naman sang lugar nga ginpaidalom sa Tropical Cyclone Wind Signal.
Lauman nga pabaskugon sang Tropical Depression LANNIE ang Southwest Monsoon ukon Hangin Habagat, nga magatuga sang mabaskog nga mga pag-ulan partikular na sa Ilocos Region, Cagayan, kag Isabela.
Sa latest track kag intensity forecast, ginalantaw nga magahulag sa northwestward nga dereksyon ang Bagyo tubtob sa Lunes antes ini magliko sa west northwestward nga dereksyon.
Samtang makadali lamang sa pungsod ang Bagyo bangod ini ang ginalauman nga maggwa na sa Philippine Area of Responsibility subong nga aga ukon karon sa hapon.
Dako man ang posibilidad nga magasanyog pa ang Bagyo sa Tropical Storm category karun sa gab-i ukon bwas sa kaagahon.
Subong nga adlaw, lauman ang lapnagon nga mga pag-ulan nga kun kis-a may kaupod nga pagpangilat kag pagpanaguob ukon thunderstorms sa Ilocos Region, Cordillera Administrative Region, kag Cagayan Valley tuga sang Tropical Depression LANNIE.
Kaangay man ang panahon nga mabatyagan sa Metro Manila, Central Luzon, kag CALABARZON, apang ini ang tuga naman sang Habagat nga ginpabaskog sang Bagyo.
Mangin makanay naman ang panahon sa MIMAROPA, apang yara gihapon ang posibilidad sang gulpyada kag makadali nga mga pag-ulan ukon thunderstorms nga dala sang Habagat.
Samtang mangin mainit kag mapaang na sa nabilin nga bahin sang pungsod, magluwas sa mga makadali nga pag-ulan tuga sang mga Localized Thunderstorms.
