Gin-abisohan ang mga power consumers kahapon bangud pareho nga ginpaidalom sa red kag yellow alert status ang Luzon kag Visayas grids tuga sang forced outages kag derated capacities sang pila ka mga planta santo sa National Grid Corporation of the Philippines (NGCP).
May available capacity nga 12,479 megawatts ang Luzon sangsa peak demand 12,595, samtang sa Visayas naman, may yara sang 2,413 megawatts lamang batok sa peak demand nga 2,541 megawatts.
Naka-record sang outages sa 17 ka planta sa Luzon, kag 11 naman ka planta sa Visayas magluwas sa mga nauna nga outage humalin sang 2025, 2024, kag iban pa nga tuig.
Samtang, masobra 4,242.5 megawatts sa Luzon kag 866.7 megawatts sa Visayas ang wala nagamit bangud sa derated capacities.
Ang red alert ang nagakahulugan nga kulang ang suplay sang kuryente agud matuman ang demand, samtang ang yellow alert ang indikasyon nga manipis ang reserba sang kuryente.
Bangud sini, nakaeksperyensya sang rotational power outage ang pila ka mga lugar sa Luzon kag Visayas kahapon.
Nagpanugyan ang NGCP sa publiko nga magtipid sa paggamit sang kuryente samtang lauman naman ang pagpatuman sang Manual Load Dropping kun padayon nga magsaka ang demand.
