Mag-iloy, arestado sa drug buybust operation sa Brgy Vista Alegre, Bacolod City

Dakop ang mag-iloy sa ginpatigayon nga drug buy-bust operation sang Bacolod City Drug Enforcement Unit (CDEU) sa Purok Progreso 1, Barangay Vista Alegre, Bacolod City alas-8:38 kagab-i, Pebrero 22.

Ginkilala ang subject person nga sanday alyas “Esmeralda’, 49-anyos, kag si Queny Escala, 25-anyos, lunsay wala sang trabaho kag residente sang nasambit nga lugar.

Nakuha sa ila paghinakup ang lima ka heat-sealed transparent plastic sachets sang suspected shabu kag isa ka knot tied transparent plastic bag sang suspected shabu; P1,000 buy-bust money kag iban pa nga non-drug items.

Ang nakumpiskar nga illegal nga druga ang ginabanta nagabug-at sang 60 grams kag may standard drug price nga P408,000.