Ginkoronahan bilang MassKara Ruby Queen 2019 ang Tourism graduate nga si Trecia Tuquero, Miyerkules sang gab-i.
Nagpangibabaw ang 21-anyos nga si Tuquero gikan sa napulo ka mga kandidata sa koronasyon nga ginhiwat sa Ayala Malls sa North Capitol Road ciudad sang Bacolod.
Si Tuquero ang residente sang Brgy. 26 kag nag graduate nga magna cum laude sa kurso nga B.S Tourism Management sa La Consolacion College Bacolod sini nga tuig.
Nakuha man ni Tuquero ang best festival costume award.
Samtang ginkoronahan naman bilang 1st Runner up si Chaira Victoria Juarez kag 2nd Runner up si Vina Marie Peña.
Nangin kabahin naman sa pagpili sang Masskara Ruby Queen ang mga bigatin nga judges nga ginalakipan ni 1969 Miss Universe Gloria Diaz; socialite and fashion icon Tessa Prieto-Valdes; Jojie Dingcong; Roderick Alba kag Patrick Gloria.
