Padayun pa nga ginabulong sa ospital ang magtiyo matapos makuryente samtang may ginawelding sa atop sang Borja building sa Purok Mabinuligon I, Barangay Sum ag, Bacolod City alas-6:15 kagab-i.
Sa interview sang Bombo Radyo Bacolod kay Police Lt. Michael Tuburan, station commander sang Bacolod Police Station 9, si Abner Borja, 64 anyos, kasado, retired overseas Filipino worker (OFW), residente sa nasambitan nga building kag ang iya nga hinablos nga si Chilu Acebuche, kasado, kag construction worker ang yara sa atop bangod may ginwelding.
Apang ang tubo nga ila nga ginawelding ang aksidente nga natumba kag nagbunggo sa kable sang kuryente, gani naglatay ang kuryente sa duha ka biktima.
Ang mga biktima ang nakaangkon sang paso sa nagkalainlain nga bahin sang lawas, kag gilayon man nga ginhingagaw sa Bacolod South General Hospital.
Ang insidente ang nagtuga man sang brownout sa nasambitan nga lugar kagab-i.
