Nagpasalig ang Malacañang sa publiko nga maayo ang kahimtangan kag ikaayong lawas ni President Ferdinand “Bongbong” Marcos Jr. matapos ang viral footage sang ginalantaw pagdugo sang iya gums sa isa ka speech.
Suno kay Palace Press Officer Undersecretary Attorney Claire Castro, wala sang indicators nga yara sa poor health si Marcos.
Suno diri, wala sang dapat kabalak-an bangud nagmeeting sila sang aga kag wala sang may nagakakita nga kabudlayan sa iya ikaayong lawas.
Ini ang ginpahayag ni Castro matapos isa ka video clip ni Marcos sa isa ka speech sa Paggunita sa mga Bayani sa Araw ng Kagitingan kag Comprehensive Social Benefits Program ceremony sa Quezon City sang April 9 ang nagviral.
Suno sa mga netizens, ang gums sang President ang amat-amat nga nagdugo samtang siya ang yara sa mid-speech.
