Isa ka 32 anyos nga lalaki sa New Zealand ang gin-alegar nga nagtulon sang isa ka pendant nga naga-balor sang masobra isa ka milyon agud makapalagyo ini sa isa ka balaligyaan sang alahas.
Santo sa report, gintulon sang lalaki ang isa ka ornate Faberge octopus pendant sa Partridge Jewelers sa Auckland sang Nobyembre 28.
Apang wala pa sang ebidensya nga gintulon ini sang lalaki, ginkabig na ini nga suspek.
Para mapamatud-an ang alegasyon, ginhulat sang kapulisan nga makahigko ang lalaki agud mapagwa ang item.
Gin-aresto ini sa sulod mismo sang shop pila ka minutos matapos matabo ang kinawatay.
Ang ginkuha nga pendant ang isa ka limited edition nga inspired sa pelikula nga Octopussy ni James Bond.
Makaligad sang anum ka adlaw, napamus-on sang kawatan ang pendant kag wala na ginpaidalum sa medical intervention.
Nahibaluan nga yara pa gihapon ang tag price sa pendant.
Sa karun, yara pa sa kustodiya sang kapulisan ang suspek.
