Indi magnubo sa 49 ka mga persona ang nagkalamatay matapos nagluntad ang isa ka sunog sa isa ka building nga gina-istaran sang kapin 200 ka mga foreign workers sa Kuwait.
Ang sunog, nga nagluntad sa anum ka panalgan nga building sa sur sang Kuwait City sang kaagahon, ang nagpilas man sa dinosena ka mga persona suno sa health ministry.
Ang kalayo ang nagtupok sa idalum nga mga panalgan samtang nagsaka naman ang aso sa upper-story nga mga bintana.
Ginrevise sang interior ministry ang death toll sa 49 nagikan sa 35 nga nauna na nga gin-issue matapos nasulod sang forensic teams ang building.
Suno sa isa ka source sa General Fire Department, ang mga biktima ang nasuffocate nagikan sa nagsaka nga aso matapos nga nagluntad ang sunog sa base nag building.
Wala pa gin-anunsyar ang nationality sang mga nagkalamatay apang gintawag ni Prime Minister Narendra Modi sang India ang disaster nga makasulubo sa iya post sa social media platform nga X.
