Ginpakigbahin ni Rev. Fr. Chris Gonzales ang mas madalom kag matahom nga kahulugan sang gugma kasubong sang ginapaabot nga pagselebrar sang Valentines Day.
Suno kay Fr. Chris, ang pinakatahom nga simbolo sang pagpalangga amo ang krus nga nagpakita sang tuman ka dalom nga paghigugma sang Dios sa katawhan pinaagi sa pagsakripisyo sang iya nga kabuhi para sa paglimpyo sang bug-os nga sala sang kalibutan.
Suno kay Fr. Chris, sa panahon subong, madamo ang tawo nga sobra-sobra ang pagpalangga sa kaugalingon nga mahimo tunaan sang pagkaguba sang relasyon sa iban nga tawo kag sa sosyodad.
Suno diri, yara sa bibliya ginhambal nga kun sin-o man ang naga-deny sang iya kaugalingon amo ang makasulod sa kaharian sang Diyos.
Pahanumdom ni Fr. Chris, ang pinakataas nga porma sang gugma amo ang paghigugma sa Dios kag ang ikaduha ang pagbulig sa isigkatawo.
Ginpaathag man niya nga indi lang sa pisikal kag sekswal nga aspeto ang gugma, suno diri, ang pagpanginlawas ang para sa lamang sa kasado kag indi dapat mangin sentro sang konsepto sang gugma.
Mensahe ni Fr. Chris, ang matuod-tuod nga gugma amo ang handa magsakripisyo kaangay sang ginhimo ni Hesu Kristo sa katawhan.
