Masobra 5.8 million nga pasahero sa mga eroplano, ginalauman subong nga Nobyembre tubtob Disyembre bangod sa UNDAS kag Paskwa

Ginalauman sang Civil Aviation Authority of the Philippines (CAAP) ang masobra 5.8 million ka mga pasahero nga magaagi sa mga airports sa bilog nga pungsod subong nga Nobyembre kag Disyembre bangud sa Undas kag nagahilapit nga pagsaulog sang Paskwa.

Suno kay Eric Apolonio, tagpamaba sang CAAP, ginalauman ang mas mataas nga numero sang mga pasahero subong nga tuig kun ikumparar sang tinalikdan nga tuig, nga nagdangat lamang sa 4.8 million.

Samtang, ginreport sang ahensya nga wala naman sang mga insidente nga narecord sa mga airports may kaangtanan sa pagsaulog sang Undas 2025.

Gin-abisuhan samng CAAP ang publiko nga magdala sang pasensya bangud ginalauman nga magadagsa ang mga pasahero, ilabi na ang mga magabalik nagikan mga probinsya.