Masobra 500 ka mga buhi nga tawo, aksidente nga napadal-an sang letter of condolence sang Government Health Office

Bilang tawo OK lang man makakomiter sang sala apang ano ang imo mabatyagan kun ikaw ang ginpadal-an sang letter of condolence?

Sa Estados Unidos, nagpangayo sang pasaylo ang Maine Health officials bangud aksidente nga napadal-an sang sulat sang pagpakig-unong ang masobra 500 ka mga buhi nga tawo.

Suno sa statement, ang rason sang insidente amo ang sala sa computer program nga naga-generate sang estate-vendor letters.

Dugang pa diri, wala sang medical records nga nagalista nga patay na ang mga indibidwal.

Nakay-o na ang computer program agud malikawan nga matabo liwat ang insidente.

Ang MaineHealth ang isa ka non-profit healthcare provider nga naga-operate bilang Level 1 trauma center kag walo ka iban pa nga ospital.