1,063 ka mga public schools sa bilog nga pungsod ang indi makasugod sang pagbukas sang School Year 2024-2025 subong nga adlaw, Hulyo 29 bangud sa epekto sang Tropical Cyclone Carina kag Southwest Monsoon (Habagat).
Ini ang mas mataas sang sa 1,002 ka mga buluthuan nga ginreport sang Sabado nga magadelay sang pagbukas sang klase para sa clean-up kag rehabilitation activities.
Sa data sang Department of Education, kalabanan sa mga indi makabukas sang klase subong nga adlaw ang nagikan sa Central Luzon nga may yara sang 457.
Ginasundan ini sang Ilocos Region nga may yara sang 310 ka mga buluthuan, National Capital Region nga may 225 kag Calabarzon nga may 67.
Apat ka mga buluthuan naman sa Soccsksargen ang nagdesisyon man nga ipostpone ang ila class opening.
Una na nga ginpahayag ni President Ferdinand “Bongbong” Marcos Jr. nga ang pagbukas sang klase ang Hulyo 29 ang dapat madayon sa mga areas nga wala nahalitan sang malain nga tiyempo.
