Masobra sa P2 million nga balor sang illegal nga druga ang nakumispkar sang Bacolod Police Station 8 sa buy-bust operation nga ginpatigayon sa Lopue’s South Square, Barangay Tangub, ciudad sang Bacolod, alas- 7:08 sang gab-i.
Naaresto si Jerome Paurillo, 37 anyos, wala sang trabaho, miyembro sang Bugalon Drug Group, residente sang Kamang-kamang, Isabela, Negros Occidental; kag duha ka ginakabig nga mga High Value Individual nga sanday Lloyd Paul Toculan, 29 anyos, nagatrabaho bilang construction worker, residente sang Zarandin, Valladolid, Negros Occidental; kag Aive Jean Colonia, 32 anyos, residente sang Barangay Nanunga, Hinigaran, Negros Occidental.
Nakumpiskar sa tatlo ang 300 grams sang ginasuspetsuhan nga shabu nga nagbalor sang P2,040,000.
Sa karun yara na sa kustodiya sang Bacolod Police Station 8 ang tatlo ka mga naaresto.
