Ginpasalamatan ni Bacolod City Mayor Greg Gasataya ang The Upper East, Megaworld matapos nga ginpangunahan ang pagpatigayon sang parade of champions, Domingo sang hapon, Oktubre 25.
Sa mensahe ni Mayor Greg, ginpasalamatan sini ang tanan nga sa likod sang Gugma Foundation kag ang nagkalain-lain nga committees nga naghimo sang tanan agud nga matigayon ang memorable Masskara Festival 2026.
Dugang man nga ginpasalamatan sang alkalde ang mga pumuluyo kag tanan nga nangin kabahin sang madinalag-on nga pagpatigayon sang nasambit nga kapiyestahan.
Sa pihak nga bahin, gin-anunsyar man sang alkalde nga masako na sa karun ang ciudad sa pagpreparar para sa Batang Pinoy 2026 kag Metro Manila Film Festival.
Suno sa alkalde sa December 12 patigayunon ang opening sang Batang Pinoy kag lauman ang 35,000 ukon masobra ka mga atleta kag coaches nga gikan sa masobra 200 ka mga Local Government Units sa bug-os sang Pilipinas.
Samtang sa December 12 man, isa ang Bacolod City sa maga-host sa Metro Manila Film Festival kun sa diin patigayunon ang Parade of Stars and Smiles sa ciudad.
Ini ang pinakauna nga tion sa kasaysayan sang Bacolod City nga maga-host sang nasambit nga film festival.
