Medical doctor, ginpatpat ang mga masakit nga makuha sang mga pumuluyo sa Purok Villagracia, Barangay Bata, ciudad sang Bacolod, bangud sa yab-ok

Ginpahayag sang isa ka medical doctor nga ang mga sakit nga naangkon sang mga pumuluyo ang naggikan sa tuman nga yab-ok.

Sa interview sang Bombo Radyo kay Dr Vicente Iturriaga, ang tuman nga yab-ok sa palibot mahimo nga makatuga sang sakit nga asthma, ubo, sip-on, lung issue, eye irritation, pulmonary infection, sore throat, skin disease kag iban pa.

Suno diri, kun may hapo ang isa ka tawo, ukon may problema sa baga, posible nga maglala pa gid ang ila nga sakit bangod sa yab-ok.

Dugang pa sini, ang yab-ok ang makaresulta man sang heart problem kag pneumonia.

Pahayag ni Iturriaga, delikado ang yab-ok sa ikaayong lawas sang tawo kasubong man nga apektado ang ila nga palangabuhian.