Meeting sa tunga sang US kag Iran officials angot sa isyu sa nuclear program, nangin madinalag-on

Nangin positibo ang resulta sang pagsinapol sa tunga sang Estados Unidos kag Iran bangud sa issue sang ila nuclear program.

Suno kay Abbas Araghchi, naistoryahan sang duha ka pungsod ang mga “guiding principles” agud malikawan ang paglala sang tensyon may kaangtanan sa nuclear activities sang Iran.

Ang pagsinapol ang ginhiwat sa Switzerland kag ginpangunahan sang mga opisyal sang Oman nga nagserbe bilang mga mediators.

Antes sini, makapila ka beses nga nagpahayag sang pagpamahog ang militar sang Estados Unidos batok sa Iran, ilabi na ang pag-aresto sa mga anti-government protesters.

Angut sini, padayon ang pag-istoryahanay sang duha ka pungsod agud mapabilin ang kalinong sa rehiyon.