Nagapabilin sa gihapon nga wala sang kumpirmado nga kaso sang Pertussis ukon Whooping Cough sa ciudad sang Bacolod.
Suno kay Councilor Claudio Jesus Raymundo “Kalaw” Puentevella, chairman sang committee on health and sanitation sa Sangguniang Panlungsod sang ciudad sang Bacolod, padayon sa gihapon ang monitoring sa isa ka suspected case sang Pertussis.
Suno diri, wala pa sang kumpirmasyon sa kaso sang Pertussis amo nga tubtob sa karun zero case ang Bacolod.
Nagpanugyan man ini nga wala sang dapat nga ikabalaka kag indi magpanic bangod nga handa kag nakahibalo ang ciudad kun ano ang dapat nga himoon inkaso man nga may kumpirmado na nga kaso.
Nakapagwa naman ini sang pagpahibalo sa sintomas sang Pertussis nga suno diri, kun may pangduha-duha nga may makit-an nga kaangay sang sintomas sini, dapat nga magpa-tsekyar sang gilayon sa doktor.
