Nagpagwa sang isa ka freeze order ang Court of Appeals sa napulo ka mga bangko, pito ka mga propedad, lima ka motorsiklo kag isa ka eroplano ni Kingdom of Jesus Christ (KOJC) leader Pastor Apollo Quiboloy.
Ang CA ang nag-grant sang petition for freeze order nga ginfile sang Anti-Money Laundering Council batok sa mga propedad ni Quiboloy kag sang KOJC kasubong man sang iban pa nga mga indibidwal.
Ang mando ang napetsahan Agosto 6, 2024 kag nagacover sang 47 ka mga bank accounts, 16 ka mga real properties kag 16 ka mga motor vehicles sa idalum sang KOJC.
Suno sa CA, isa sa mga rason sini amu ang trafficking kag child kag sexual abuse nga mga kaso ni Quiboloy kasubong man ang solicitation sang mga donasyon sa Amerika.
Suno sa korte, ang ginsolicit nga kwarta ang ginsmuggle pasulod sa Pilipinas sang mga miyembro sang KOJC kag ang monthly income sang top administrators sang simbahan ang wala naga-commensurate sa ila financial profiles.
