Liwat nga ipahanumdom sang Department of Social Services and Development sang ciudad sang Bacolod sa mga Barangay nga ma-activite ang pagpatuman sang curfew for minors.
Ini kasunod sang pagkadula ni Danica gikan sa ciudad sang Talisay kag narecover diri sa ciudad sang Bacolod.
Sa interview sang Bombo Radyo Bacolod kay Department of Social Services and Development Head Alma Gustilo, madamo sang mga kabataan nga padayun gihapon nga nagaliyong sa mga dalanon sa kagab-ihon kag kaagahon, gani sila ang magalibot naman sa ciudad.
Ang mga madakpan nga kabataan ang ihamtang temporaryo sa ila tagsa ka Barangay antes idul-ong sa pamilya pagka-aga kag ang mga ini ang laygayan.
Apang kun pasulit-sulit na ang violation, ang kabataan ang sarang na nga marekomendar nga masulod sa youth institution.
Santo sa City Ordinance 331, ang mga below 18 years old ang dapat yara na sa balay halin alas-10:00 sang gab-i tubtob alas-4:00 sang kaagahon.
Ginarekomendar man nga may patunugon nga siren sa nasambitan nga oras agud maalarma ang mga kabataan kag ginikanan nga ang mga ini ang dapat yara na sa sulod sang balay.
Paathag ni Gustilo nga may special council sa mga Barangay para sa ‘special protection of children during night time’, gani magluwas sa mga social workers kag kapulisan, ginalauman man ang mga Barangay Tanod sa paglibot sa mga dalanon sa kagab-ihon tubtob sa kaagahon.
