Nagahingyo sang bulig si Punong Barangay Febe Legazpi kay Bacolod City Mayor Alfredo “Albee” Benitez nga mahatagan sang means of transportation ang mga residente.
Ini kasunod sang tuman ka damo nga nastranded kaina sang aga bangod mayorya sang mga traditional jeepney units sa Barangay ang unconsolidated.
Aminado si Legazpi nga kahapon una na nga nagcourtesy call sa iya ang mga drivers agud ipahibalo nga sila ang indi makabyahe bangod sa kahangawa nga madakpan.
Suno diri, una nila nga imonitor kun pila ang numero sang modernized kag traditional jeepneys nga makabyahe pa sa routa kag kun ano kadamo ang mga pasahero.
Ini agid matumod kun pila gid ang kinahanglan nga dugang nga salakyan.
Aminado si Legazpi nga sila ang may isa ka salakyan, apang indi man nila ma-augment agud magcater sa mga pasahero bangod ini ang ginagamit man sang Barangay sa mga transaksyon.
Nahibaluan nga sa regular nga pagbyahe sang mga jeepney drivers sa Barangay Handumanan, malaba sa masami ang pila sa terminal sang Libertad Public Market kada gab-i, gani ginakahangaw-an ang mas malala nga sitwasyon sumugod karun sa gab-i.
