Wala pa nagpagwa sang subpoena ang impeachment court sang Senado para kay former senator Antonio Trillanes IV para magtestigo angot sa Article 2 sang Articles of Impeachment batok kay Vice President Sara Duterte, suno kay Reginald Tongol, spokesperson sang Senate Impeachment Court.
Ini matapos gintalakay sang Senate impeachment court ang Article 2, may kaangtanan sa gin-alegar unexplained wealth, sa diin may tatlo pa ka indibidwal ang ipa-subpoena.
Kalakip diri sanday Kathy Florence Baldonado kag Marco Pineda sa Davao City Register of Deeds, kasubong man kay Ronnel Buenaventura, executive director sang Anti-Money Laundering Council (AMLC) Secretariat.
Nag-request na ang House prosecution nga isyuhan sang subpoena si Trillanes agud mag-atubang sa korte sa masunod nga semana.
Sang Abril, gin-akusaran ni Trillanes ang pamilya Duterte nga nagbaton sang P181 million naggikan sa isa ka drug lord.
Ginpahayag ni Tongol nga mahimo mag-file ang defense team sang mosyon nga nagapamatok sa pag-isyu sang subpoena para sa mga testigo nahanungod sa mga records ni Duterte sa AMLC.
