Ginpahanugutan na ni Governor Eugenio Jose Lacson ang mga doktor nga nagatrabaho sa mga district hospitals nga mapatigayon sang private practice.
Suno kay Dr. Leonardo Eusebio, head sang Hospital Operations Department sang Negros Occidental, nagpasugot si Governor Lacson nga mag-duty sa pribado nga mga hospitals ang mga doktor nga nagatrabaho sa mga district hospitals sa idalom sang pagdumalahan sang provincial government.
Ini sa kondisyon nga kun tapos na ang ila duty sa district hospitals lakip na ang provincial hospital sa Silay City.
Lakip man sa kondisyon nga maga-duty ang mga ini sang kabug-usan nga 40 oras sa mga district hospitals.
Sa karun nakapaguwa na sang listahan sang mga doktor kag nalakip diri ang naga-duty sa Cadiz kag sa provincial hospital sa Silay.
Nahibaluan nga may yara sang kapin 400 ka mga doktor nga nagaduty sa mga district hospitals sa Negros Occidental.
